मुस्ताङका यातायात ब्यवसायी किन ओरालोतिर जाँदै छन्

 

शुरूको समयमा हिमालपारीको जिल्ला मुस्ताङमा हेलिकप्टर चढाएर ल्याएको जीपबाट यातायात सुरूवात गरेको समयलाई नजर अन्दाज गर्दा एक आपसमा जिल्लाबासीहरूको बिचमा मिलन र सदभाव थियो ।त्यसैको कारण मिलेर काम गर्दा कसैले फुटाउ खेलमा भाग लिन सकेका थिएनन् । तर पछिको समयमा सबैलाई भनेजस्तो भाग नपुग्दा दाजुभाई फुटे गवार लुटे भैहाल्यो मुस्ताङमा ।एक आपसमा शत्रुता बढेपछि जिल्ला बाहिरका यातायात ब्यवसायीहरूलाई बिस्तारै जिल्ला भित्र्याउन थाले त्यसपछि त के खोज्छस् कानो आँखा भैहाल्यो । त्यसपछि ब्ल्याकहोलले दिनहुं अन्तरिक्षमा अनगिन्ती ताराहरू निले झै मुस्ताङको यातायात ब्यवसायहरूलाई जिल्ला बाहिरका ब्यवसायीहरूले निरन्तर निलिरहेका छन् ।

सामूहिक भन्दा पनि ब्यक्तिगत स्वार्थमा लिप्त भएका मुस्ताङ यातायात ब्यवसायीहरूको केही ब्यक्तिहरूको कारण आफ्नै यातायात ब्यवसाय धरापमा परेर ओरालो लागेको पत्तै पाएनन् । आफनै खुट्टामा आफैले बन्चरो हान्दाको परिणाम कस्तो हुन्छ भनेर ख्याल गर्न नसक्ने मुस्ताङबासी यातायात ब्यवसायीहरूको बिछोडको फाईदा अरूले लिदा पनि अझै घैटोमा घाम लागेको छैन । एक आपसमा खुट्टा तानातान रिसले हानाहानको कारण जिल्ला बाहिरका यातायात ब्यवसायीहरूले शिर ठाडो गरी आफ्नै ठाउँमा दादागिरी देखाउदा पनि मेसो नपाउने मुस्ताङी यातायात ब्यवसायीहरू कस्ता होलान् । सौताको रिसले काँखको बच्चा मार्ने भने झै आफ्नै खुट्टामा बन्चरो हाने यस्तो घृणित खेल कहिलेसम्म चल्छ मुस्ताङमा ।

मुस्ताङ यातायात ब्यवसायीहरूले सबैको हितको लागि नेपालको अधिकांश जिल्लाहरूमा सवारी साधन सञ्चालनमा ल्याउन सक्नु पर्दथ्यो त्यो पनि भएन । अर्को कुरा आधुनिक खालको सेवा सुबिधा भएको गाडी सञ्चालनमा ल्याउनुको सट्टा एक आपसमा मिल्न नसक्दा बाहिरी गाडीहरूले मौका पाए । किन दिनहुं ओरालो लाग्दैछन् मुस्ताङ यातायात ब्यवसायीहरू यसको मूल कारण भनेको एक आपसमा मिल्न नसक्नुनै हो जसको फाईदा अरूले लिने गरेका छन् । यतिखेर फेरी बाहिरी जिल्लाको ट्याक्सी ब्यवसायीहरूले मुस्ताङमा आँखा गाडेका छन् काउण्टर राख्नलाई , यो आफैमा गलत हो । किनभने मुस्ताङको ट्याक्सी ब्यवसायीहरूलाई धरापमा पारेर अरूलाई अवसर दिनु फेरी पूनः आफ्नै खुट्टामा बन्चरो हान्ने काम हो । त्यसैले मुस्ताङ यातायात ब्यवसायीहरू एक भएर आफनो ब्यवसायलाई ओरालो जानबाट जोगाऔ ।

यो खबर पढेर कस्तो महसुस भयो?

0
Excited
0
Happy
0
In Love
0
Not Sure
1
Silly

You may also like

Leave a reply

Your email address will not be published. Required fields are marked *