पोखराः कास्कीको माछापुच्छ्रे गाउँपालिका वडा नम्वर ८ का ईन्जिनियरलाई वडाध्यक्षले कुटपिट गरेको भन्दै प्रहरीमा उजुरी परेको छ । वडा नं. ८ का वडाध्यक्ष रामबहादुर गुरूङले शुक्रबार बिहान १० बजे कुटपिट आफुलाई कुटपिट गरेको भन्दै इन्जिनियर लक्ष्मण जिसीले उजुरी दिनुभएको हो ।
उजुरीमा वडाध्यक्षले सार्वजनिक ठाउँमा अश्लील गाली गलौज गर्दै कुटपिट गरेको र कुटपिटका कारण जिसीको नाकमा चोट पुगेको उल्लेख गरिएको छ। वडाध्यक्षलाई आवश्यक कारबाही गर्न ईन्जिनियर जिसीले माग गर्नुभएको छ ।
यसैबिच जिसीलाई अश्लील गालीगलौज हातपात गरेको विषयप्रति कास्की जिल्लामा रहेका क्रियाशील ट्रेड यूनि यनले विज्ञप्ति मार्फत वडाध्यक्षलाई कारबाहीको माग गरेका छन् । घटनाप्रति ट्रेड युनियनले घोर निन्दा एवं भर्त्सना गरेको विज्ञप्तिमा उल्लेख गरिएको छ ।
कुनाकाप्चासम्म पुगी काम गर्ने कर्मचारीलाई हौसला प्रदान गरी कामकाजमा लगाउन पर्नेमा पटक–पटक अश्लिल गाली गर्ने तथा हातपात गर्ने विषय कुनै पनि हालतमा क्षम्य गर्न नहुने विज्ञप्तिमा छ ।
प्रतिक्रिया दिनुहोस्