नेपालबाट १० करोड ६६ लाख रुपैयाँ बराबरको कफी निर्यात

File Photo

चालू आर्थिक वर्ष २०७८र७९ को ११ महिनाको अवधिमा नेपालबाट १० करोड ६६ लाख रुपैयाँ बराबरको कफी निर्यात भएको छ । भन्सार विभागले सार्वजनिक गरेको पछिल्लो तथ्यांकअनुसार साउनदेखि जेठसम्मको अवधिमा नेपालबाट उक्त मूल्य बराबरको कफी निर्यात भएको हो ।

विभागका अनुसार यस अवधिमा नेपालबाट ६२ हजार किलोग्राम कफी निर्यात भएको छ । नेपालबाट विश्वका विभिन्न १६ वटा देशमा कफी बिन्स निर्यात भएको देखिन्छ । जसमध्ये, सबैभन्दा धेरै युरोपियन मुलुकमा निर्यात भएको विभागले जनाएको छ । जर्मनीमा १ करोड ८५ लाख रुपैयाँको कफी निर्यात हुँदा स्वीजरल्याण्डमा २ करोड ४३ लाख रुपैयाँको निर्यात भएको छ । यस्तै, जापानमा ३ करोड ७३ लाख रुपैयाँको कफी निर्यात भएको तथ्यांकले देखाएको छ ।

यसबाहेक, अष्ट्रेलिया, अष्ट्रीया, क्यानडा, चीन, अमेरिका, बेलायत, इटाली, हङकङ, नर्वे, दक्षिण कोरिया लगायतका देशमा निर्यात भएको विभागले जनाएको छ ।

यो खबर पढेर कस्तो महसुस भयो?

0
Excited
0
Happy
0
In Love
0
Not Sure
0
Silly

You may also like

Leave a reply

Your email address will not be published. Required fields are marked *