काेरला नाकामा बढ्याे चहल पहल

मंसिर ११,जाेमसाेम/ लामाे समयदेखी  बन्द रहेको कोरला नाका गत कार्तिक २७ गते बाट खुल्ला भएसगै आर्थिक गतिबिधिमा बृद्धि भएको छ ।नाका खुलेसगैँको १५ दिनको अवधिमा १लाख ८१ हजार रुपैयाँ भन्दा माथि राजस्व संकलन भएको नाकामा रहेको नेचुङ भन्सार कार्यालयले जनाएको छ ।

नाका खुल्ला भए सगै हाल सम्म १ हजार २ सय २९ जनाले सिमा वारपार गरेको जिल्ला प्रहरी कार्यालय मुस्ताङले जनाएको छ ।उक्त भन्सार नाका हुदै नेपालबाट पस्मिना, यार्सागुम्बा, आलु र फापर लगायतका स्थानीय उत्पादन निर्यात हुन्छन् भने चीनबाट निर्माण सामग्री, खाद्यान्न, लत्ताकपडा, किराना सामग्री, कस्मेटिक, भाँडावर्तन, कृषि उपकरण र भेडा,च्यांग्रा आयात गरिन्छ ।

कोरला नाका बन्द भएसँगै तिब्बतबाट भेडा,च्यांग्रा आयात रोकिँदा नेपालमा भेडा,च्यांग्रा महङ्गिएका थिए। मुस्ताङ जिल्लामा प्रसिद्ध धार्मिक स्थलहरू मुक्तिनाथ,कागबेनी र दामोदरकुण्ड जस्ता स्थान रहेको र मुस्ताङ यात्रासंगै तिब्बतमा रहेको कैलाश मानसरोवरसम्मको यात्रा कोरला नाका हुदै सडक मार्गबाट छोटो हुने भएकाले यस नाकालाई धार्मिक पर्यटनसंग समेत जोड्न सकिने यहाका सरोकारवाला बताउछन्।

यो खबर पढेर कस्तो महसुस भयो?

0
Excited
0
Happy
0
In Love
0
Not Sure
0
Silly

You may also like

Leave a reply

Your email address will not be published. Required fields are marked *