ढाक्मररमा एउटै किसानकाे ७७ ओटा च्याङग्रा हिमचितुवाले मार्‍यो

 

कार्तिक २५, जाेमसाेम  / हिमालपारिको जिल्ला मुस्ताङमा रहेको लोघेकर दामोदरकुण्ड गाउँपालिका वडा नं. २ को ढाक्मर गाउँमा गएराति ४ वटा हिमचितुवाले किसान मिङ्मार गुरुङकाे च्यांग्रा खोरमा पसेर ७७ ओटा च्यांग्रा मारेको स्थानीय छिरिङ गुरुङले हिमालपारिकाे आवाजलाई जानकारि दिएका छन् ।

शुक्रबार राति ४ वटा हिमचितुवा गुरुङको खोरमा पसेर अन्दाजी ३० लाख मुल्य बराबरको च्यांग्रामा क्षति पुर्याएकाे स्थानीय गुरुङले अनुमान गरेका छन् । गाउँको खोरमा तारबार सहितको सुरक्षा भए पनि खोर नाघेर हिमचितुवाले च्याङग्रा मारेको हो । मुस्ताङमा हिमचितुवा र मानवबीचको निरन्तर द्धन्द रहेपनि यो अहिल्यै सम्मकै ठुला पशु क्षति हो ।

घटनाको खबर प्राप्त भए लगतै लोघेकर दामोदरकुण्ड–१ चराङबाट प्रहरीको टोली , स्थानीय जनप्रतिनिधि र लोमान्थाङमा स्थित अन्नपूर्ण संरक्षण आयोजना एक्याप ढाक्मर तर्फ आउँदै गरेको स्थानीय छिरिङ गुरुङले जानकारी दिए । हिमचितुवा संरक्षित दुर्लच वन्यजन्तु हो । गत वर्षसम्म मुस्ताङका ५ स्थानीय तहमा वन्यजन्तुको आक्रमणबाट १९ घर धुरीका ६५ पशुधनमा क्षति पुगेको थियो ।

यो खबर पढेर कस्तो महसुस भयो?

0
Excited
0
Happy
1
In Love
3
Not Sure
1
Silly

You may also like

Leave a reply

Your email address will not be published. Required fields are marked *