दया र मिरुनाको ‘नाङ्गो गाउँ’लाई अमेरिकामा ४ सय बढी शो

 

भदौको २९ गतेबाट रिलिजमा आउन लागेको फिल्म ‘नाङ्गो गाउँ’को फस्टलुक पनि सार्वजनिक भएको छैन । तर, यो फिल्म सर्वाधिक धेरै चर्चामा छ । यो फिल्मको अमेरिका तथा क्यानडाको राइट्स उच्च मुल्यमा विक्री भएको छ । यो फिल्म अमेरिका र क्यानडाका २२ भन्दा बढी राज्यका ५० बढी शहरमा प्रदर्शन हुने निर्माणपक्षले बताएको छ ।

यो फिल्मलाई अमेरिका र क्यानडामा नेपाल इलेभेनले रिलिज गर्दैछ । नेपाल इलेभेनका प्याट्रिक सुवेदीले दिएको जानकारी अनुसार अहिलेसम्म अमेरिकामा मात्र ४ सय भन्दा बढी शोको टुंगो लागिसकेको छ । उनले शोको संख्या थपिने क्रम जारी रहेको बताए ।

फिल्म ‘जारी’पछि अमेरिकामा सबैभन्दा बढी माग भएको फिल्ममा ‘नाङ्गो गाउँ’ रहेको सुवेदीले जानकारी गराए । दीपेन्द्र लामाको लेखन तथा निर्देशनमा तयार भएको यो फिल्ममा दयाहाङ राई, मिरुना मगर, कार्म, साम्राज्ञी राज्यलक्ष्मी शाह, शिशिर वाङ्देल, वुद्दि तामाङ, रविन्द्र झा लगायतका कलाकारको मुख्य भूमिका छ । हिमाल शर्माको प्रस्तुतिमा तयार भएको यो फिल्ममा जय श्रेष्ठको लगानी छ ।

यो फिल्मलाई लिएर विदेशमा रहेका नेपालीहरुले उत्साहजनक रुपमा चासो लिइरहेका छन् । दया र मिरुनाको जोडी फिल्ममा हुनुको प्रभाव यो फिल्मलाई परेको देखिन्छ । साथमा निर्देशक लामाका अघिल्ला फिल्महरुका कारण पनि यो फिल्मको विदेशमा उच्च माग भएको हो । यो फिल्म भदौ २९ गते नेपालसहित विभिन्न मुलुकमा एकसाथ रिलिज हुँदैछ ।

यो खबर पढेर कस्तो महसुस भयो?

0
Excited
0
Happy
0
In Love
0
Not Sure
0
Silly

You may also like

Leave a reply

Your email address will not be published. Required fields are marked *