जिल्ला प्रहरी कार्यालय मुस्ताङबाट हत्यामा दोषी डुकमन घर्ती मगर सार्बजनिक

 

जिल्ला प्रहरी कार्यालय मुस्ताङले कर्तब्य ज्यान मुद्दामा पक्राउ परेका हिमाल भन्ने डुकमन घर्ती मगर अभियुक्तलाई पत्रकार सम्मेलन गरी सार्बजकि गरेको छ ।
रोल्पा जिल्ला सुनछहारी गापा १ स्थायी बसोबास गर्ने हाल मुस्ताङ जिल्ला घरपझोङ गापा ५ ढुम्बा बस्दै आएका अभियुक्त घर्ती मगरले सिचाई पानीको विवादको बिषयलाई लिएर हत्या गरेको खुलेको छ ।

धादिङ जिल्ला खनीयाबास गापा ४ स्थायी बसोबास गर्ने हाल मुस्ताङ जिल्ला घरपझोङ गापा ५ बस्दै आएका बर्ष ४९ का चन्द्र बहादुर तामाङ स्याउ बारी भित्र टाउकोमा गम्भिर चोट लागि मृत अवस्थामा प्रहरीले फेला पारेका थिए ।

मृतक तामाङ गत साउन १७ गते बेलुकासम्म पनि घर नआएपछि बेलुका करिब ८ बजेर ३० मिनेट जांदा प्रहरीलाई सूचना भएको थियो । खोजतलास गर्दा राती ११ बजेतिर मृत अवस्थामा तामाङलाई फेला पारेको र पोष्टमार्टमको लागि जिल्ला अस्पतालमा पठाईएको पत्रकार सम्मेलनमा जानकारी गराए ।

घरपझोङ गापा ५ का लाल बहादुर गुरुङको स्याउबारीमा तामाङले सिचाई गरिरहेका थिए । सिचाईको बिषयलाई लिएर वादविवाद हुंदा अभियुक्त घर्ती मगरले आफ्नो हातमा भएको फलामे सिङगुरले पटक पटक टाउकोमा हानी हत्या गरेको हुं भनी स्वीकारेका छन् ।

उक्त स्थानमा ज्याला मज्दुरी गरी बस्ने अभियुक्त घर्ती मगरलाई सुक्ष्म अनुसन्धानपछि प्रहरीले भाद्र ५ गते पक्राउ गरेको थियो । भने जिल्ला अदालत मुस्ताङले थप अनुसन्धान गर्न जिल्ला प्रहरी कार्यालयलाई अनुमति दिएपछि सोही अनुसार काम भएको प्रहरी सूचना अधिकारीले जानकारी गराएका छन् ।

यो खबर पढेर कस्तो महसुस भयो?

0
Excited
0
Happy
1
In Love
0
Not Sure
1
Silly

You may also like

Leave a reply

Your email address will not be published. Required fields are marked *