अवैध हतियारसहित ढोरपाटन आरक्षमा तीनजना पक्राउ

 

मंसिर ८ बागलुङ/ अबैध हतियार बोकेर संरक्षित जनावरको सिकार गर्न हिंडेका ३ जना चोरी सिकारी पक्राउ परेका छन् । आरक्षमा अवैध सिकार गर्दैै हिंडेका उनीहरुलाई आरक्षले पक्राउ गरेको हो ।

बार्से सिकार ब्लकमा पक्राउ परेका तीन जनालाई आरक्ष कार्यालयले ७ दिनको म्याद थप गरी अनुसन्धान थालेको बरिष्ठ संरक्षण अधिकृत वीरेन्द्रराज कंडेलले बताए । बरिष्ठ संरक्षण अधिकृत कंडेलको नेतृत्वमा नेपाली सेनाको देवी बक्स गुल्मका सुरक्षाकर्मीले बार्से ब्लकमा गरेको सर्च अभियानमा मंगलकार उनीहरु भेटिएका हुन् ।

पक्राउ पर्नेमा म्याग्दीको धौलागिरि गाउँपालिका गुर्जाखानीका ५२ वर्षीय प्रेमबहादुर छन्त्याल, ५० बर्षिय पहलमान छन्त्याल र २८ वर्षीय सुमन छन्त्याल रहेका छन् । उनीहरु आरक्षको हिरासतमा छन् ।
उनीहरुको साथबाट १ थान भरुवा बन्दुक, १ थान कार्तुस बन्दुक, खुकुरी, हसिया, छाला काढ्ने चक्कु, धार लगाउने रेती, बाइनाकुलर, पासो लगाउने डोरी १ सय ८१ थान, १ सय २ वटा पासो, ३ वटा झोला ३ वटा बन्दोबस्तीका सामान बरामद गरेको हो ।

गस्ती गएको टोलीले बार्से ब्लकमा मृत अवस्थामा १ वटा रेडपाण्डा, बार्सेकै थारखोलामा २४ इन्च लामो नाउरको सिंगसमेत भेटिएको थियो । बरामद भएका सामान र भेटिएका मृत जनावर समेतले उनीहरुले नियमित सिकार गरिरहेको सुरक्षा टोलीले अनुमान गरेको छ ।

अबैध चोरी सिकार गरेकोले आरक्षले राष्ट्रिय निकुन्ज तथा वन्यजन्तु संरक्षण ऐन २०२९ अनुसार कारवाही शुरु गरेको हो । उनीहरुलाई हातहतियार तथा खरखजाना सम्बन्धी आरोप छ । आरक्षले अबैध चोरी सिकारमा जनही १ बर्ष कैद र ५० हजार जरिवाना गराउने छ । त्यसपछि जिल्ला प्रहरी कार्यालयले हात हतियार तथा खरखजना सम्बन्धी थप मुद्दा चलाउने छ । उक्त मुद्दा जिल्ला अदालत पठाइने प्रमुख जिल्ला अधिकारी खगेन्द्रप्रसाद रिजालले बताए ।

बिशेषगरी रुकुम खण्डका तीनवटा ब्लकमा आरक्षको कर्मचारी र सुरक्षकर्मी अभाव भएकोले चोरी सिकार बढी भएको हो । ती ब्लकमा सुरक्षाका पोष्ट छैनन् । आरक्षले जिल्ला सुरक्षा समितिमार्फत उक्त जानकारी गराएको छ । यो रुकुम खण्डमा भएकोले दुइ जिल्लाको संयुक्त बैठकले सुरक्षा माग गरेर मात्र पठाउनुपर्ने प्राविधिक कारण रहेको हो ।

यो खबर पढेर कस्तो महसुस भयो?

0
Excited
0
Happy
0
In Love
0
Not Sure
0
Silly

You may also like

Leave a reply

Your email address will not be published. Required fields are marked *