जोमसोम एयरपोर्टको बजाज सोरुमदेखि फोसेल रेष्टुरेन्टसम्मको सडक सरोकार निकायबाट पुनः नाप्न स्थानीयको माग नत्र सडकको काम रोकिदिने

“मापदण्डमा ११ मिटर तर बजार भित्र छिरेपछि पहुंच पुग्नेहरुले नालीको साईज घटाउने र सांगुरो बनाउने गरेका छन् ।”
साउन १० मुस्ताङ । घरपझोङ गापा वडा नं ३ पुथाङ बजार जोमसोम एयरर्पोटमा यतिखेर सडकको काम बिस्तार र ढलान गर्ने कामले तिब्रता पाएको छ । दामोदरकुण्ड , मुक्तिनाथ , चिनसंग जोडीएको कोराला नाका जाने  कालीगण्डकी कोरीडोर बेनी जोमसोम यस सडकलाई प्रमुख रुपमा लिएको छ ।
सरकारले पनि राष्ट्रको गौरबको रुपमा लिएको यो सडक पुथाङ बजार जोमसोम एयरर्पोटमा बिस्तार गर्न लाग्दा किचलो बढेको छ । पुथाङ बजारका स्थानीय बिकास र सडक बिरोधी भने होईनन् तर पहुंच भएकाहरुले आफुखुशी सडक , नाली बनाउन लाग्दा दिन प्रतिदिन बिवाद चर्केको छ ।

पहेलो घेरा भन्दा २ मिटर अघिनै नालि

मापदण्डमा ११ मिटर तर बजार भित्र छिरेपछि पहुंच पुग्नेहरुले नालीको साईज घटाउने र सांगुरो बनाउने गरेका छन् । नागबेली आकारको नाली बनाउने , मापदण्ड भन्दा कमको सडक बनाउन दवाब दिनाले सडक कुरुप बनेको स्थानीय बताउछन्  । सबैलाई सरोकारवाला निकायहरुले समान आँखाले हेरेमा स्थानीय बिकासको बाधक नभएको पुथाङ बासीले बताएका छन् ।
प्रदेश सांसददेखि जिल्लाका प्रमुख पद धारण गरेका राजनैतिक दल तथा संघ संस्थाका ब्यक्तिहरुको बसोबास भएको ठाउमा सडकको स्तर खस्केको देख्दा छिमेकी गाउँ तथा पर्यटकरुले कुरा काट्ने बाटो भएको छ । आफुखुशी ईन्जिनियर बनेर बनाइएको सडक र नालीको एकै नाप अनुसार अनुगमन गरी बनाइदिन सरोकार निकायसंग स्थानीयले माग गरेका छन् ।
सडक अनुगमन र निरीक्षण गर्न बनेको पुथाङ बजारका समितिको गाउँको निर्णय अनुसार सडक र नाली बनेको छैन । गाउँ र समितिको अनुसार दक्षिणतिर रहेको एयरर्पोटको फलामे गेटनिर पानी बग्नेगरी ढल , एयरर्पोट प्रवेशद्धार मुल गेटनिर पानी बग्नेगरी ढल , लोमन्थाङ होटेलनिर ढल र ओमसोम तथा कृशु होटलको बिचबाट ढल बनाउने निर्णय भएको तर कार्यान्वयन भएको छैन ।
ठाउँठाउँमा सडक क्रसगरी ढलमा पानी बगाउने गरी निकासा नदिएमा नागबेली नाली भएको ठाउँमा लेदो पानी जमेर सदैव एयरर्पोट दुर्घन्धित हुनेछ । भने बर्षात्को झरीमा एयरर्पोट जलमग्न हुने स्थानीयले बताएका छन् । कतै नभएको जात्रा पुथाङ बजार भित्र हुंदा पनि सरोकारवाला निकायहरुले कानमा तेल हालेर बस्नु भनेको सडक कार्यालय ठुलाबडाको दबावमा परेको बुझिन्छ पीडित पक्षहरुको बुझाई रहेको छ ।

हंसीया आकारमा नागबेली ढलको नाली

प्ुथाङ बजार जोमसोम एयरर्पोटको हित चाहने स्थानीयहरुले बजाज सोरुमदेखि फोसेल रेष्टुरेन्टसम्म हरेक घरको अगाडिको सडक ११ मिटर हुनुपर्ने माग राखेका छन् । त्यसैगरी एयरर्पोट क्षेत्रभित्रको ढल र नालीको साईज एकैनासको हुनुपर्ने कसैलाई कांखापाखा नगरी सडक बिस्तार गर्नुपर्ने छ । भने सडक र ढल सिधा हुनुपर्ने नागबेली आकारमा हुन नहुने भन्ने स्थानीयको माग रहेको उनीहरुले बताए ।
स्थानीयहरुको माग अनुसार राजनैतिक दल , जिल्ला प्रशासन कार्यालय , जिल्ला प्रहरी कार्यालय , सडक कार्यालय । ठेक्दार , प्राबिधिक , पत्रकार र स्थानीय बासीको प्रतिनिधिहरुको रोहबरमा सरोकारवाला निकायहरुले पुन ११ मिटरको नाप लिएर सडक र नाली बिस्तार नगरे आफ्नो घर पनि भत्काउन नदिने र सडक बिस्तारको काम रोकीदिने बताएका छन् । साथै समस्याको समधान नहुंदासम्म सडक बिस्तारको काम रोक्न ठेक्दारलाई अनुरोध समेत गरेका छन् । नत्र पछि हुन आउने क्षेतिपूर्तिको जिम्मेवारी ठेक्दार आफैले लिनुपर्ने स्थानीयले बताए  ।

यो खबर पढेर कस्तो महसुस भयो?

0
Excited
2
Happy
1
In Love
1
Not Sure
2
Silly

You may also like

Leave a reply

Your email address will not be published. Required fields are marked *