नाबालिगलाई यौन दुव्र्यवहारको आरोपमा फेन्सी संचालक पक्राउ

पोखरा/ पोखराको चिप्लेढुङ्गास्थित शिला फेन्सी स्टोर्सका संचालक छविलाल गौतम १५ वर्षीया नाबालिगलाई यौन दुव्र्यवहार गरेको आरोपमा पक्राउ परेका छन् । आफ्नै फेन्सी स्टोर्समा जागिर लगाइदिने भन्दै नाबालिगलाई बुधबार विहान बोलाएर यौन दुव्र्यवहार गरेको आरोपमा प्रहरीले उनलाई पक्राउ गरेको हो ।

पीडित परिवारले दिएको जाहेरीका आधारमा पक्राउ गरेर अनुसन्धान अघि बढाएको कास्की प्रहरी प्रवक्ता डिएसपी सुन्दर तिवारीले जानकारी दिए । उनका अनुसार पीडित नाबालिगको स्वास्थ्य परीक्षण गरेर परिवारको जिम्मा लगाइसकेको छ ।

शिला फेन्सी स्टोर्समा जागिर खुलेको थाहा पाएपछि उनी त्यहाँ पुगेकी थिइन् । गौतमले विहान ८ बजेदेखि साँझ ७ बजेसम्म काम गर्नुपर्ने भन्दै असार १५ गतेदेखि हाँजिर हुन भनेका थिए । पीडित नाबालिग बुधबार विहान ८ बजे नै उक्त फेन्सी स्टोर्स पुगेकी थिइन् ।

विहान साँढे ८ बजेतिर स्टोर्सका संचालक गौतमले काम सिकाउने भन्दै पीडित नाबालिगलाई माथिल्लो तलामा लिएर गए । माथिल्लो तलामा लैजाने क्रममा गौतमले नाबालिगको संवेदनशील अंगमा हात लगेर यौन दुव्र्यवहार गरेको पीडित परिवारले जनाएका छन् ।

नाबालिग चिच्याएपछि आजकलको जमानामा यस्तो कुरा समान्य भएको भन्दै गोतमले फकाउन खोजेको उनीहरुको भनाइ छ । उक्त घटनापछि नाबालिगले परिवारलाई गएर घटनाबारे जानकारी गराएकी थिइन् । सोही आधारमा प्रहरीमा जाहेरी दिएको पीडित परिवारले बताएका छन् । प्रहरीमा जाहेरी दिएको २ घण्टाभित्रै गौतम पक्राउ परेका थिए ।

यो खबर पढेर कस्तो महसुस भयो?

0
Excited
0
Happy
0
In Love
0
Not Sure
0
Silly

You may also like

Leave a reply

Your email address will not be published. Required fields are marked *